Бурабайлық полицейлер дүкеннен ұрлық жасаған екі елордалықты ұстады, – деп хабарлайды Polisia.kz.
10 шілдеде полицияға Бурабай кентіндегі дүкендердің бірінде ұрлық жасалғаны туралы сауда өкілінің өтініші келіп түсті.
Аталған фактіге сәйкес полиция бөлімі ҚР ҚК 188-бабының 1-бөлігі (Ұрлық) бойынша сотқа дейінгі тергеуді бастады.
Оқиға орнына келген жедел-тергеу тобы дүкеннің күдікті келушілерімен сөйлескеннен кейін өтініш берушінің жеке заттары бар рюкзактың жоғалғанын анықтады. Шығын сомасы 55 мың теңгені құрады.
Зарлап шегушінің сөздері бойынша, ер адам оған сұрақтар қойып назарын аударып, кейін жанындағы адаммен кетіп қалған.
Бейнебақылау камераларының жазбаларын зерделеп, жедел уәкілдер күдіктілердің жеке басын анықтады, олар 31 жастағы елорданың екі тұрғыны болып шықты.
Полицейлер қаскөйлерді курорттық кенттегі жалға алынған үйден кетіп бара жатқан кезде қолға түсірді. Заттай дәлелдемелер, жәбірленушіге тиесілі рюкзак пен ақша тәркіленіп, иесіне қайтарылды.
