Маңғыстауда әйел тергеу изоляторына есірткі өткізбек болды, – деп хабарлайды Polisia.kz
Маңғыстау облысы бойынша ҚАЖ департаментінің ГМ-172/10 мекемесінде есірткі заттарын өткізу фактісі тіркелді.
25 шілдеде мекемеде жазасын өтеп жатқан сотталушыға әйел адам келді. Сәлемдемелерді қабылдау бөлмесінде жеке тексеру нәтижесінде, жедел уәкілдер аяқ киімнің астынан үш пакет есірткі затын тауып алып, тәркіледі. Сот-медициналық сараптама тағайындалды. Тергеу жалғасуда.
