Қостанайда көлік жүргізуші жол ережесін 27 рет бұзған, – деп хабарлайды Polisia.kz.
21 желтоқсанда полиция қызметкерлері Қостанай облысының аумағында рейдтік іс-шараларды өткізу кезінде «EkinPatrolG2» кешенінің көмегімен ресейлік есептегі Scania көлігін ұстады. Аталған көлік құралының жүргізушісі – Ресей Федерациясының азаматы. Оның атына жалпы сомасы 688 445 теңгені құрайтын автоматты бекіту құралдарымен тіркелген 27 жол қозғалысы ережелерін бұзушылық тіркелген. Айыппұлдар толық көлемде өтелді.
Полицейлер әкімшілік заңнама нормаларына сәйкес, егер құқық бұзушылық нұсқаманы тиісінше жеткізген сәттен бастап автоматты тіркеу құралдарымен тіркелсе, құқық бұзушының хаттама жасалған сәттен бастап 7 тәулік ішінде әкімшілік айыппұлды 50% мөлшерінде өтеуге құқығы бар екенін еске салады.
Сонымен қатар өтелмеген айыппұлдардың бар-жоғын «ЕРАП» АЖ қоғамдық секторы, «Qamqor» порталы, «Egov»және екінші деңгейдегі банктердің қосымшалары арқылы тексеруге болады.
