Брендтік коньякты астаналық әйел супермаркеттен ұрлап кеткен, – деп хабарлайды Polisia.kz.
Полицияға сауда желісінің өкілі жүгініп, кешкі уақытта супермаркеттен қымбат Henessy алкогольдік сусыны ұрланғаны туралы арызданған.
“Қоғамдық қауіпсіздік» жедел алдын алу іс-шарасын өткізу барысында Есіл ауданы ПБ криминалдық полиция қызметкерлері 33 жастағы астаналық әйелді анықтады. Әйел супермаркетке кіріп, оны ешкім көрмей тұрғанды пайдаланып, алкогольдік ішімдік ұрлығын жасаған. Қаскүнемнің әрекеті бейнебақылау камераларына түсіп қалған.
Аталған фактіге қатысты ҚР ҚК-нің 188-бабы (Ұрлық) бойынша сотқа дейінгі тергеу амалдары жүргізіліп жатыр.
Әйел мойындау көрсетпелерін берді. Заттай дәлелдемелер тәркіленді. Оның елорда аумағында жасалған басқа да осыған ұқсас қылмыстарға қатысы бар-жоғы тексеріліп жатыр.
