Абай облысының полицейлері қызметтік иттің көмегімен есірткі жасырылған орынды тапты, – деп хабарлайды Polisia.kz.
Бородулиха ауданының полицейлері жергілікті тұрғындардың бірінің үйінде есірткі заттарын сақтау туралы жедел ақпарат алды. Жедел-тергеу тобы құрамындағы полиция-кинолог пен қызметтік-іздестіру иті күдіктінің мекенжайын дереу тексеруге кіріскен.
Нәтижесінде Арчи атты қызметтік ит иіс ізін тауып, қосалқы бөлменің біріндегі жастыққа белсенді белгі берген жерден полицейлер 2 медициналық шприц тәркілеген. Сарапшының қорытындысы бойынша, тексеруге ұсынылған заттар жалпы салмағы 0,0917 грамм экстракциялық апиын болып шықты.
– Қазіргі уақытта аталған дерекке қатысты ҚР ҚК-нің 296-бабының 2-бөлігі (Есірткі құралдарын, психотроптық заттарды, олардың аналогтарын өткізу мақсатынсыз заңсыз дайындау, қайта өңдеу, сатып алу, сақтау, тасымалдау) бойынша сотқа дейінгі тергеп-тексеру жүргізіліп жатыр. Жыл басынан бері қызметтік иттер жедел тергеу тобының құрамында 318-ден оқиға орнына астам шығып, оның ішінде 86 жағдайда қолданылды, оның ішінде облыстың кинологиялық қызметінің қызметтік-іздестіру иттерінің көмегімен 15 қылмыс ашылды. 4 айда қызметтік иттердің көмегімен полицейлер 536,1285 грамм түрлі есірткі затын тәркіледі, – деді Абай облысы ПД бастығының орынбасары Нариман Күлдіков.
