Республика азаматтары шетел азаматтығын өз елінде жоғалтпай алған жағдайлар жиі кездеседі. Жыл басынан бері Шығыс Қазақстан облысында қос азаматтықты ресімдеу кезінде анықталған бұзушылықтар үшін 20 азамат жауапкершілікке тартылды. Оның ішінде шетел азаматтығын алғаннан кейін құжаттарды уақтылы тапсырмағаны үшін 13 азамат әкімшілік жауапкершілікке тартылды, олардың үшеуі сот шешімімен Қазақстан Республикасынан тыс жерлерге шығарылды, – деп хабарлайды Polisia.kz.
Мамыр айында көші-қон қызметінің қызметкерлері өткен жылдың шілде айында басқа елдің азаматтығын алған Риддер қаласының тұрғынын анықтады. Алайда ол туралы ҚР заңнамасында белгіленген мерзімде хабарламаған және Қазақстан Республикасы азаматының құжаттарын мемлекеттік органдарға тапсырмаған.
29 мамыр күні Риддер қаласының әкімшілік сотының шешімімен шетелдік әйел Қазақстан Республикасынан тыс жерге шығарылды.
ШҚО ПД көші-қон қызметі Қазақстан Республикасының конституциясына сәйкес, елде қос азаматтыққа жол берілмейтінін және көші-қон заңнамасын сақтауды естеріңізге салады.
Бұзушылық болған жағдайда азаматтар ҚР әкімшілік құқық бұзушылық туралы кодексінің 496-бабы (Қазақстан Республикасының азаматтық туралы заңнамасын бұзу) бойынша әкімшілік жауапкершілікке тартылады.
Бұл 100-ден 200 АЕК мөлшерінде айыппұл салынады немесе Қазақстан Республикасынан тыс жерлерге шығарылады.
