Қостанайда есірткі жарнамасын бояу бойынша кезекті науқан өтті, – деп хабарлайды Polisia.kz.
Дәстүрлі есірткіге қарсы акцияны Қостанай ПБ есірткі қылмысына қарсы іс-қимыл бөлімінің қызметкерлері Халықаралық нашақорлыққа және есірткінің заңсыз айналымына қарсы күрес күні аясында «Жастар Рухы» ЖҚ ҚОФ-мен бірлесіп ұйымдастырды.
Іс-шараға Қостанай қалалық мәслихатының еріктілері мен депутаты Арман Есмағамбетов, Қостанай қаласы ҚПБ жедел уәкілі Азамат Мырзабеков, «Жастар Рухы» ЖҚ ҚОФ төрағасы Аружан Сәрсенбаева қатысты.
Бұл науқанның негізгі мақсаты қала тұрғындары мен қонақтарының назарын нашақорлық пен есірткіні рұқсатсыз тарату мәселесіне аудару болды.
– Біз әр адам есірткіні қолданудың қауіптілігін түсінетін және салауатты өмір салтын ұстануға шешім қабылдайтын ақпараттандырылған қоғам құруға тырысамыз. Бұл біз жыл басынан бері өткізіп келе жатқан үшінші науқан.
Осылайша, жастармен бірге біз есірткінің зияны туралы ақпаратты арттырғымыз келеді, – деп атап өтті Қостанай ПБ ЕҚҚІҚ бөлімінің аға жедел уәкілі Әсел Сексенова.
Науқан барысында қаланың әр түкпіріндегі белсенділер есірткі жарнамасы бар 25-ке жуық жазбаны жойды.
