Қостанайда оқушыларға полиция қызметінің артықшылықтары туралы айтылды, – деп хабарлайды Polisia.kz.
Тәрбие және кадр жұмысы басқармасы қызметкерлері оқушылармен кездесу ұйымдастырып, онда полициядағы қызметтің артықшылықтары мен ведомстволық оқу орындарына түсу жағдайларын туралы әңгімеледі. Кездесу облыс орталығында «Мирас» Мәдениет үйінде өтті.
Қостанай облысы ПД бастығының орынбасары Әділхан Байдосовтың айтуынша, мұндай іс-шара ең алдымен кәсіптік бағдар беру шеңберінде өткізіледі, сондай-ақ ол имидждік болып табылады.
500-ге жуық оқушыға полиция оқ-дәрілері көрсетілді.
Оқушылардың ерекше назарын арнайы қорғаныс құралдары – полиция қалқандары, қару-жарақ құралдары, дулыға мен кісендер аударды.
Кездесулер барысында полицейлер болашақ түлектерге ҚР ІІМ жүйесінің білім беру ұйымдарына түсу тәртібі, оқу процесінің ерекшеліктері және ІІО қызметкерлерінің қызметінің түрлі бағыттары туралы айтып берді. Іс-шара барысында сұрақ-жауап блогы қарастырылды. Оқушылар көптеген қызықты сұрақтар қойды.
Соңында полицейлер ЖҚАЖ мен кинологиялық қызмет иттердің көрме қойылымдарын, сондай-ақ шығармашылық нөмірлерін көрсетті.
