Ақмола облысының үздік патрульдік полицейі өз қызметінің қыр-сырымен бөлісті, – деп хабарлайды Polisia.kz.
«Сыпайылық – түсіністік кепілі» – осындай ұранмен Бурабай аудандық полиция бөлімінің ЖПҚБ ППБ-да облыстың үздік патрульшісі Евгений Костенко 11 жыл қызмет етеді.
– Мектеп жылдарында мазасыз жасөспірім болдым, жиі төбелесіп, полицияға бірнеше рет ұсталған кездерім де бар. Сол жылдары бізде Айдар есімді учаскелік инспектор болды, өкінішке орай, тегі есімде жоқ, ол маған полициядағы қызметі туралы айтып берді, Мен сізге айтайын, сол кезден бері мен осы қызметке қызығушылық таныттым, – дейді Евгений Костенко.
2011 жылы жас, бірақ өзіне сенімді жігіт мерзімді қызметтің соңында Бурабай АІІБ кадрлар бөлімінде әңгімелесуден өтіп, өзін құқық қорғау органдарында сынап көруді шешті. Ол медициналық комиссия мен конкурстан еш қиындықсыз өтті, содан кейін оны Астанадағы полиция мектебіне оқуға жіберді. 2013 жылы оқуын аяқтап, ІІО-да кіші сержант шенімен қызмет ете бастады.
– Менің қызметімде ешқашан қиын болған емес, отбасы тарапынан әрқашан толық түсіністік болды, – деп бөліседі біздің кейіпкеріміз.
Евгений 6 жылдан бері әйелі Ольгамен бақытты өмір сүріп келеді және біздің офицер үшін нағыз қолдауға айналған үш баланы тәрбиелеп отыр.
– Шынымды айтсам, туыстарыңыз бен жақындарыңыздың қолдауы өте маңызды. Өйткені, үйіңізде үйлесімділік пен өзара түсіністік болған кезде, сіз қызметке жақсы көңіл-күймен барасыз, бұл әріптестеріңізбен қарым-қатынас жасау кезінде өте маңызды, – дейді кейіпкеріміз күлімсіреп.
Евгенийдің пікірінше, жұмыстағы ең басты дүние – әрқайсысына көзқарас табу, бірден заң бұзушылық жасағандары туралы айтып, оларды рәсімдеудің қажеті жоқ. Алдымен сіз өзіңізді сыпайы түрде таныстырасыз, адам өзінің заң бұзушылық жасағанын түсіну үшін қол жетімді тілмен нені және қалай бұзғанын түсіндіресіз. Содан кейін сіз хаттама жасай бастайсыз және т. б. Көп жағдайда жүргізуші осындай сауатты түсініктеме бергені үшін алғысын айтып жатады.
Айта кетейік, облыста патрульдік полицияның саптық бөлімшелерінде «Мамандығы бойынша үздік» облыстық байқауы өтті. Бәсекелестердің барлық маңыздылығына қарамастан, Евгений Костенко өз ісінде ең үздігі атанды. Әріптестерінің пікірінше, ол шынымен де өте сауатты маман және, ең бастысы, өз ісінің шебері. Әріптестер арасында үлкен құрметке ие, ал аудан тұрғындары оған сыйластықпен қарайды және оның жұмысына оң баға береді.
– Менің барлық әріптестерім өз ісінің мамандары, сондықтан мен өзімнің серіктестерімнен асып түскен жоқпын деп сенімді түрде айта аламын.
Кейде құқық бұзушының жағынан негізсіз наразылықтар болып тұрады. Сондай жағдайда біз психолог ретінде оны тыңдап, оған эмоцияларын шығаруға, оның нұсқасын қолдап және агрессия мен ашуы басылғаннан кейін – заң аясында әрекет етуіміз тиіс. Әрине, тәжірибе және бәрі уақыт өте келе, басымызға келгенде үйренеміз, – дейді Евгений.
Сонымен қатар үздік патрульші өз басынан өткен оқиғаны да баяндап берді.
– Менің өмір бойы есімде қалған оқиға 2015 жылы Бурабай кентінде 7 жасар бала жоғалған кезде болды. Полицейлер, еріктілер оны іздедік, ал ақылы жағажайлардың бірінде оны тапқанда – ол көлге батып кеткен, оны қайта тірілтуге тырыстық, бірақ кеш болды. Сол кезде мен шынымен жыладым, егер мен ол жаққа сәл ертерек барсам, мүмкін құтқарып алатын ба едік деп қатты ренжідім және өкінетінмін, – деп еске алады кейіпкеріміз.
Евгений Костенконың полицей болудағы мақсаты айқын. Ең басты мүддесі ІІО-ға адал қызмет ету екенін тілге тиек етті.
– Әрине, болашаққа арналған жоспарлар бар және олар өте көп. Бірақ менде бірінші орында – ІІО қызметімді жалғастырып, адамдар мен мемлекетке пайда әкелу, – деп түйіндеді Евгений.
