Соңғы қоңырау күндері Алматыда полиция күшейтілген қызмет режиміне көшті, — деп хабарлайды Polisia.kz.
Қаладағы 216 жалпы білім беру мекемесінде мыңға жуық тәртіп сақшылары қоғамдық тәртіп пен қауіпсіздікті қамтамасыз етуде.
— Оқушылардың қауіпсіздігі – біздің басты міндетіміз. Қоғамдық тәртіпті қамтамасыз ету және құқық бұзушылықтың алдын алу мақсатында ювеналды, патрульдік, криминалдық полиция қызметкерлері, сондай-ақ учаскелік инспекторларды қосқанда, мыңға жуық тәртіп сақшылары жұмылдырылған. Балалардың жеке қауіпсіздігіне де, мектеп жанындағы және түлектердің жүретін бағыттарында жол қозғалысы ережелерін сақтауына да ерекше назар аударылды. Ата-аналарды және мерекенің барлық қатысушыларын мұқият болуға, ережелерді сақтауға және балаларды қауіп-қатерге ұшыратпауға шақырамыз, — деді, Алматы қалалық ПД жергілікті полиция қызметі басқармасының бастығы Серік Шумаев.
Сонымен қатар спикер, қаланың басты алаңдарында, саябақтарда, скверлерде және азаматтардың жаппай демалатын орындарында біріктірілген полиция күштерінің қосымша бөлімшелері қарастырылғанын хабарлады.
