Павлодарда жол қозғалысы ережелерін бұзудың алдын алу үшін рейдтер жүргізілуде, — деп хабарлайды Polisia.kz.
Қатаң заң санкцияларының өзі кейбір жүргізушілерді тоқтата алмай отыр — олар бір сәттік әлсіздік үшін өзгенің өмірін тәуекелге тігеді. Өткен тәулікте Павлодар облысында бірнеше оқиға қайғылы жағдайға ұласуы мүмкін еді, алайда патрульдік полицияның жедел әрекетінің арқасында оның алдын алу мүмкін болды.
Соңғы бір тәуліктің өзінде Павлодар облысының полициясы 996 әкімшілік құқық бұзушылықты анықтады, оның ішінде 369-ы — жол қозғалысы ережелерін бұзу. Соның ішінде 4 жүргізуші көлікті мас күйінде басқарған.
Мысалы, Солнечный кентінде LADA PRIORA көлігінің жүргізушісі алкогольдік масаң күйде болғаны медициналық сараптамамен дәлелденді. Оның көлігі арнайы айыптұраққа қойылды.
— Жүргізушілер жауапкершілікке тартылды, енді олардың ісі сотта қаралады. Әрбір құқық бұзушылық — алдын алынған жол-көлік оқиғасы. Мас жүргізуші — жай ғана құқық бұзушы емес, ол — әлеуетті қауіп көзі. Оның қателігі ауыр салдарға әкелуі мүмкін, — дейді Павлодар облысы ПД патрульдік полиция ротасының командирі Асет Рыспаев.
