ІІМ Қарағанды академиясында диссертациялық кеңес ашылды, – деп хабарлайды Polisia.kz.
Қазақстан Республикасы ІІМ Б.Бейсенов атындағы Қарағанды академиясында 6D030300 – Құқық қорғау қызметі мамандығы бойынша диссертациялық кеңес ашылды.
PhD докторы ғылыми дәрежесін алу үшін диссертацияларды қорғауға бағытталған Кеңестің ашылуы – Қарағанды академиясы үшін ғана емес, сонымен қатар бүкіл ішкі істер органдарының ғылыми қауымдастығы үшін маңызды оқиға.
Бұл ІІО қызметкерлеріне өзекті мәселелерді шешуде жаңа тәсілдер қолдануға мүмкіндік береді, ал ведомстволық білім беру мекемелері жас ғылыми кадрлармен толығады.
3 ақпанда ZOOM платформасын пайдалана отырып, Диссертациялық кеңестің бірінші отырысы өтті.
On-line режимінде оның төрағасы – заң ғылымдарының докторы, профессор Марат Чекішұлы Қоғамов Кеңестің негізгі мақсаттары мен міндеттерін атап өтті, жедел шешімді қажет ететін бірқатар мәселелерді және болашаққа арналған іс-шаралар жоспарын анықтады.
Біріншіден, бұл Кеңес туралы ережені әзірлеу және бекіту, докторанттарға арналған әдістемелік нұсқаулар мен ұсыныстар әзірлеу, Кеңес отырыстарының жиілігі мен тәртібін анықтау.
Құқық қорғау органдарының мәселелерімен үнемі айналысатын заң саласы ғалымдарынан тұратын Кеңес мүшелері диссертациялары жақын арада қорғауды қажет ететін ғылыми дәрежеге үміткер 20-дан астам кандидаттардың тізімін анықтады.
Кеңестің қарауына қабылданған алғашқы жұмыстардың қатарына алдыңғы жылдардағы оқу бітірген докторанттарының диссертациялық жұмыстары қабылданады, олардың зерттеулері заңнаманы жетілдіруге және оны ішкі істер бөлімінің қызметінде қолдану тәжірибесіне арналған.
Еске сала кетейік, Қарағанды академиясы 1969 жылы құрылған. Елу жылдан астам уақыт ішінде білім ордасынан 33 заң ғылымдарының докторы, 66 генерал түлеп ұшты.
