Ресейдегі «туысы» павлодарлық зейнеткерді 300 мың теңгеге алдап кетті, – деп хабарлайды Polisia.kz.
Павлодарлық жедел уәкілдер 72 жастағы зейнеткерден 300 мың теңге алып кеткен алаяқты іздестіріп жатыр.
– 31 жылдың 2021 мамырында полицияға қарт азаматша жүгінді, ол өзін Ресей Федерациясында тұратын туысы ретінде таныстырған қыздың оның қалалық телефонына қоңырау шалғанын түсіндірді. Жалғыз тұратын әже байланыстың ар жағында оның жиені тұрғанына күмәнсіз сенген. Аталған факті бойынша ҚР ҚК 190-бабы (Алаяқтық) бойынша сотқа дейінгі тергеу жүргізілуде. Күдіктіні анықтау бойынша жедел-іздестіру шаралары жүргізілуде, – деді Павлодар облысы ПД криминалдық ПБ-ның бастығы Балғабай Қапаров.
Полиция хабарлағанындай, қоңырау шалушы Павлодар қаласынан Санкт-Петербург қаласына техникаға тапсырыс беріп қойғанын және әжесіне 100 мың ресейлік рубль жіберетінін айтқан. Содан кейін «жалған жиен» әжейден техниканы төлеуге ақшасы бар ма деп сұраған. Зейнеткер 300 мың теңге бар деп жауап берді. Қолма-қол ақша туралы естіген «туыс қыз» оларды дүкендегі сатушыға беруді өтінді, ал сәлемдемені алған кезде ол ақшаны да алып кететінін түсіндірген. 20 минуттан кейін бір қыз келіп, аңғал әжей оған барлық жинаған қаражатын ұстатып жібереді. Кейін ол әпкесінен Ресей Федерациясынан жиенінің оған қоңырау шалмағанын білгенде, алданғанын түсінді.
Айта кету керек, ағымдағы жылдың басынан бері Павлодар облысының аумағында 691 алаяқтық тіркелген, оның ішінде 465 интернет-алаяқтық.
Полиция азаматтарға, әсіресе қарт адамдарға, сергек болуға және мұндай қоңырауларға сенбеу керектігін ескертеді. Егер туыстарыңыз немесе таныстарыңыз сізден телефон арқылы ақшалай көмек сұраса, оларға қайта қоңырау шалыңыз. Ешқандай жағдайда ақшаны олардың атынан әрекет ететін кездейсоқ адамдарға бермеңіз. Егер сіз алдаудың құрбаны болсаңыз, онда бірінші кезекте құқық қорғау органдарына жүгіну керек.
