Ақсу қаласының тұрғыны дүкеннен гигиена құралдарын ұрлағаны үшін 10 тәулікке қамауға алынды, – деп хабарлайды Polisia.kz.
Ақсу қаласының 34 жастағы тұрғыны сөреден әйелдер мен еркектерге арналған антиперспиранттар мен қырыну гелін ұрлап кеткен. Сол үшін сот оны қоғамдық жұмыстар түріндегі жазаға тартты.
– Сот үкімі жарияланғаннан кейін, енді «сотталған» болғандықтан, Ақсу қаласының пробация қызметінің қызметкерлері алдын алу әңгімесін жүргізді, сондай-ақ жазасын өтеу кезінде қойылған барлық талаптар орындалмаған жағдайда оның құқықтары, міндеттері мен салдарын түсіндірді. Сот үкімімен оған қырық сағат қана берілгенін ескере отырып, ол 10 күн төрт сағат жұмыс істеуге, қала аумағын тазартуға қатысуға мәжбүр болды, – деп түсіндірді ҚАЖД баспасөз қызметі.
Алайда сотталған өзіне тиісті қорытынды жасамай, «көше сыпыруға ынтасы жоқ» деп, қоғамдық жұмыстар түрінде жаза өтеу талаптарын бұза бастады. Үкім шыққаннан бері тамыз айының басынан бір сағат та жұмыс жасаған жоқ.
Ақсу қаласы пробация қызметінің инспекторлары қоғамдық жұмыстарды қамауға алмастыру үшін материалды бірден сотқа жіберді және бұл ұсыныс қанағаттандырылды, 40 сағат мерзімі 10 тәулікке қамауға ауыстырылды.
Айтпақшы, сотпен қоғамдық жұмыстарға ауырлығы орташа, онша ауыр емес қылмыс және қылмыстық құқық бұзушылық жасаған адамдар тартылады.
