СҚО-да пробация қызметкерлері тұрғындарға дәрі қобдишаларын таратты, – деп хабарлайды Polisia.kz.
СҚО бойынша ҚАЖД Есіл ауданының пробация қызметі бөлімінің инспекторлары Есіл ауданының жұмыспен қамту және әлеуметтік бағдарламалар бөлімімен бірлесіп, коронавирустық инфекциямен күресу мақсатында 10-нан астам аз қамтылған отбасын тегін дәрі қобдишаларымен қамтамасыз етті.
Мұндай дәрі қобдишаларын атаулы әлеуметтік көмек алушылар ғана емес, пробация қызметінің есебінде тұрған және әлеуметтік-құқықтық көмек алатын адамдар да алды. Дәрі қобдишасының ішіне: саны 100 дана медициналық бір реттік маскалар, цифрлық термометр, қолға арналған антисептиктер, сондай-ақ дәрілік заттар кірді.
Аталған акцияларды жыл басынан бері СҚО бойынша ҚАЖД Есіл ауданының ПҚБ инспекторлары алты рет өткізіп, 30-дан астам отбасыны қажетті заттармен қамтамасыз етті.
