Абай облысында сотталған әйел Ресейде тұратын балаларымен бейнебайланысқа шықты, – деп хабарлайды Polisia.kz
Абай облысындағы Шуақ ауылындағы әйелдер колониясында адам өлімі үшін жазасын өтеп жатқан сотталған Ольга (аты өзгертілген) Ресей Федерациясында тұратын балаларымен онлайн режимде кездесіп, сөйлесе алды.
Сотталған Ольга (аты жөні өзгертілген) Абай облысындағы №23 мекеменің қызметкерлеріне балаларымен кездесу туралы өтініш білдірді.
– Ресейдегі қиын жағдайға байланысты мен балаларым үшін қатты уайымдаймын, өйткені теледидардан берілген жаңалықтар қатты алаңдатады. Ал менің балаларымның жұмысы, отбасылары бар, олар маған келіп, менімен кездеспекші болды. Бірақ қазіргі жағдайда бұл мүмкін емес деп қорқамын. Біз отбасымызбен ақылдасып, кездесуді әзірге кейінге қалдырып, бейнеқонырау арқылы кездескеніміз дұрыс деп шештік. Өйткені мен үшін олардың жүздерін көру, оларда бәрі жақсы екенін білу өте маңызды. Мекеме қызметкерлеріне балаларыммен онлайн кездесуді ұйымдастырғаны үшін алғыс айтамын. Қызметкерлерге қиын да жауапты жұмыстарына табыс, сондай-ақ оларға және олардың отбасыларына денсаулық тілеймін, – деп сотталған Ольга шексіз алғысын білдірді.
Жыл басынан бастап 170-тен астам сотталғандардың туған-туыстарымен және жақындарымен бейнекездесу ұйымдастырылды. Онлайн кездесулер ең алдымен жырақта және басқа елде тұратын туыстарына арналған.
– Әлеуметтік байланыстар отбасымен және жақындарымен, сондай-ақ бас бостандығынан айырылған адамдар үшін өте маңызды. Мұндай мекемелердің қызметкері ретінде біздің міндетіміз – осындай кездесулерді қамтамасыз ету және жиі ұйымдастыру. Сотталушы Ольга бізге онлайн кездесуге өтінішпен жүгінген кезде, біз оның балаларының тағдырына алаңдаушылығы мен толқуын, сотталғандардың эмоционалдық және психикалық жағдайын түсінгендіктен, біз оған осы кездесуді ұйымдастырдық. Мұндай кездесулер біз үшін өте маңызды, – деп №23 мекеменің режимдік бөлімінің бастығы Мақсат Адамов өз ойын білдірді.
