Алматы жолдарында гүрілдеген глушительдермен 275 жүргізуші ұсталды, – деп хабарлайды Polisia.kz.
Жергілікті полиция қызметі бұл деректерді, осы жылдың бес айын қорытындылай келе келтіреді.
– Егер қыста жол жүру ережелерін бұзудың мұндай түріне автокөлік жүргізушілері жиі жол бермеген болса, қазір мұндай фактілер көбейді. Біз мұны, ең алдымен, қолайлы ауа-райының басталуымен байланыстырамыз. Осыған байланысты, алдыңғы саптағы бөлімдер автокөлік жарыстарын анықтау және жолын кесу бойынша жұмысты күшейтті. Басты назар алдын-алуға аударылады. Ұқсас құқық бұзушылықтарды бірнеше рет жасаған абайсыз жүргізушілер бар. Алайда, айыптау ісі жүргізіліп, көліктерін мамандандырылған айыппұл тұрағына орналастырғаннан кейін де олар, тиісті қорытынды жасамады және қайтадан заңды бұзды, – деді жергілікті полиция қызметі басқармасының бастығы Манап Саттаров.
Полиция көбінесе жолдағы жарыс қайғылы салдарға әкеп соқтыратын апаттарға әкелетінін де қосты. Жақсы жағдайда – азаматтардың тыныштығын бұзады.
– Қаланың орталық көшелеріне жақын орналасқан үйлердің тұрғындары арасында дабыл қағылды. Түнде агрессивті және шулы көлік жүргізу – бұл нағыз қасірет. Олардың арасында егде адамдар да, кішкентай балалары бар ата-аналар да бар. Мен Алматы полициясы мұндай фактілерді жояды және бұдан әрі де жоятын болады деп толық жауапкершілікпен мәлімдеймін. Мақсатты іс-шаралар басталды, – деді Саттаров.
