Алматыда 20 жастағы қызды қағып кеткен Volkswagen жүргізушісі сотталды, – деп хабарлайды Polisia.kz.
Мәселе ағымдағы жылдың 26 қаңтарында Алматы қаласы, Бостандық ауданындағы Өтепов көшесінде орын алған жол-көлік оқиғасы туралы.
– М.А.Голотовский азамат сағат 21.00 шамасында Volkswagen Polo автокөлігін басқарып, Өтепова көшесімен батыс бағытта қозғалып келе жатқан. Жол қозғалысы ережесінің 10.1-тармағының талаптарын бұза отырып, ол берілген метеорологиялық және жол жағдайларын, көлік құралының қозғалысын үнемі бақылау мүмкіндігін қамтамасыз ететін қауіпсіз жылдамдықты ескермей, зейінін арттырмай, сақтық шараларын, көлік құралы тоқтағанға дейін жылдамдықты төмендету бойынша шараларды қолданбай немесе қозғалыс қатысушылары үшін қауіпсіз болатындай кедергілерді айналып өтпей, жүргіншілер бөлігін оңтүстік бағытта кесіп өткен жаяу жүргінші – 2000 жылы туған С.есімді азаматша қағып кетті. Соқтығысу нәтижесінде дене жарақатын алған бойжеткен Орталық қалалық клиникалық ауруханаға жеткізілді, ол алған жарақаттарынан қайтыс болды, – деді Алматы қалалық Полиция департаменті бастығының орынбасары Рүстем Әбдрахманов.
Сот М.А.Голотовскийді Қазақстан Республикасы ҚК-нің 345-бабы 3-бөлімінде көзделген қылмысты жасағаны үшін кінәлі деп танып, оған бір жыл алты ай бас бостандығынан айыру және көлік құралдарын басқару құқығынан бес жылға айыру бес жазасы тағайындалды. Жазаның мерзімі үкім заңды күшіне енген кезден бастап есептеледі.
