Ақмола облысында екі бала суға батып кетті, – деп хабарлайды Polisia.kz.
15 маусымда Астрахан АПБ кезекші бөліміне сағат 18.23-те учаскелік полиция инспекторынан Первомайка ауылының маңында Есіл өзенінің жағасында 6 және 9 жастағы екі ұл бала суға батып кеткені туралы телефон хабарламасы келіп түсті. Анықталғандай, велосипед мінген үш бала үлкендердің еріп жүруінсіз өзен жағасына жүзуге келген.
Қайғылы жағдай туралы ересектерді көмекке шақырған 8 жастағы үшінші бала хабарлады.
Аталған факті бойынша сот-медициналық сараптама тағайындалды.
