Ақмола облысында шетелдіктерді заңсыз жұмысқа тартқан 34 адамға айыппұл салынды, – деп хабарлайды Polisia.kz.
Көші-қон жағдайын сауықтыру, облыс аумағына заңсыз келген және тұратын шетел азаматтарын анықтау, заңсыз көші-қон арналарын, сондай-ақ көші-қон заңнамасын бұзумен байланысты өзге де құқыққа қарсы іс-әрекеттерді болдырмау мақсатында 27 маусым мен 4 шілде аралығында Ақмола облысында “Нелегал-2022” жедел-алдын алу іс-шарасы өткізіледі.
Жедел алдын алу іс-шарасы барысында көші-қон қызметінің қызметкерлері құқық бұзушы шетелдіктерге тұрғын үй бергені және келген шетелдіктер туралы ІІО-ны уақтылы хабардар етпегені үшін шетелдікті қабылдаған 92 адамды жазалады, ҚР заңнамасын бұза отырып, шетелдік жұмыс күшін және еңбекші көшіп келушілерді тартқаны үшін 34 жұмыс берушіге айыппұл салынды.
Сонымен қатар, “Нелегал-2022” жедел алдын алу іс-шарасы барысында Бурабай ауданының полиция бөлімі жеті шетел азаматын заңсыз жұмысқа орналастыру бойынша делдалдық қызмет көрсеткен 31 жастағы ҚР азаматын анықтады.
Аталған факті бойынша Бурабай АПБ ҚР ҚК 394-бабы 1-бөлігі бойынша сотқа дейінгі тергеуді бастады.
