“Қару” жедел-алдын алу іс-шарасын өткізу кезінде ақмолалық полицейлер өңір аумағынан табылған миналарды залалсыздандырды, – деп хабарлайды Polisia.kz.
Ағымдағы жылдың 1 маусымында Жарқайың ауданының полиция бөлімінің кезекші бөліміне ЖПҚБ учаскелік инспекторынан телефон хабарламасы келіп түсті.
Қазба жұмыстары жүргізіліп жатқан бұрынғы әскери аумақта болып, учаскелік инспектор әскери минаға ұқсас цилиндр пішінді металл затты тапты.
Оқиға орнына жедел-тергеу тобы, Ақмола облысы ПД оқу-жаттығу взводының қызметкерлері шықты. Снарядтарды анықтау аумағы дереу қоршалды.
Оқиға орнын тексеру барысында мамандар баллистикалық зымырандардың тасталған ұшыру шахталарын қалпына келтіру кезінде кейіннен КСРО-ның танкке қарсы миналары ретінде анықталған төрт дана металл затты анықтады. Миналардың жалпы жағдайы тозған, коррозияға және механикалық зақымға ұшыраған.
Тексеру кезінде екі шахтада жарылғыш заттар табылды, бұл оларды әрі қарай тасымалдауға қауіп төндірді. Осыған байланысты шахталар сол жерде залалсыздандырылды. Тағы екі снаряд әрі қарай сараптамалық зерттеуге жіберілді.
