Ақтөбелік полицейлер заңсыз айналымнан 5 атыс қаруын тәркіледі, – деп хабарлайды Polisia.kz.
Жедел жағдайды тұрақтандыру, сондай-ақ азаматтық және қызметтік қару айналымын бақылау мақсатында 16-26 қыркүйек аралығында Ақтөбе облысының аумағында “Қару” жедел алдын алу іс-шарасы жүргізіліп жатыр.
Үш күн ішінде “Қару” жедел алдын алу іс-шарасы бойынша заңсыз айналымнан барлығы 5 атыс қаруы, 5 патрон, бір электрошокер тәркіленді.
Полиция қызметкерлері 28 әкімшілік құқық бұзушылықты анықтады: қаруды заңсыз сақтағаны үшін 5; қаруды сақтау және алып жүру ережелерін бұзғаны үшін 17; қаруды қайта тіркеуді бұзғаны үшін 6.
Мысалы, Мәртөк ауданында шаруа қожалықтарының бірінде тексеру кезінде малшыдан тіркелмеген ИЖ-18, 12 калибрлі тегіс ұңғылы қару тәркіленді.
