Азаматтық қаруды сақтау тәртібін бұзған 133 павлодарлық жауапқа тартылды, – деп хабарлайды Polisia.kz.
Павлодар облысында қаруды, жарылғыш заттарды және жарылғыш құрылғыларды қолданумен жасалған қылмыстардың алдын алу және ашу мақсатында 17 мамыр мен 17 маусым аралығында “Қару” жедел-алдын алу іс-шарасы өткізілуде.
Осы кезеңде полиция қызметкерлері заңсыз сақталған тегіс ұңғылы қарудың 30-дан астам бірлігін тәркіледі. Тәртіп сақшылары іс-шара барысында қару-жарақты сақтау шарттарын сақтау және рұқсат беру құжаттарының болуы – екі басты критериге назар аударды.
– Шарбақты ауданының полицейлері жергілікті тұрғыннан тіркелмеген револьверді тәркіледі. Ал Железин ауданындағы шекара бекетінде салондағы Mercedes Benz автокөлігін тексеру кезінде “Police” маркалы электр шокері табылып, тәркіленді. Осындай электрошокер Toyota Сorolla автокөлігінің жүргізушісінен тәркіленді. Шарбақты ауданында Lexus RX-300 автокөлігінің салонының ішін тексеру кезінде шам-электрошокер тәркіленді. Ақтоғай ауданында ауыл тұрғындарында рұқсат құжаттарынсыз заңсыз сақталған тегіс ұңғылы бір ұңғылы 16 калибрлі, “ИЖ-К” маркалы атыс қаруы анықталды. Барлық фактілер бойынша криминалистік және баллистикалық зерттеулер тағайындалды, – деді Павлодар облысы Полиция департаменті Әкімшілік полиция басқармасының бастығы Нұржан Таңатаров.
Тұрғылықты жері бойынша алты мыңға жуық қару иелері тексеріліп, 150 әкімшілік құқық бұзушылық анықталды.
Полицейлер ең көп таралған бұзушылықтардың бірі азаматтық қаруды сақтау тәртібін бұзу болғанына шағымданды. Бұл ережені 133 қару иесі елемеді, олардың барлығы әкімшілік жауапкершілікке тартылды.
Мысалы, тексеру кезінде кейбір қару иелерінде азаматтық қаруды сақтау сейфтеріне орнатылған дабыл жұмыс істемеді. Енді оларға 10 АЕК мөлшерінде айыппұл төлеуге тура келеді, ал олар ҚР ӘҚБК 484-бабы бойынша жазаланды.
Полиция қызметкерлері егер сізде заңсыз сақталған тіркелмеген қару болса, оны міндетті түрде полиция органдарына тапсыру керектігін естеріңізге салады.
