Ертіс тұрғыны есірткінің ірі партиясымен ұсталды, – деп хабарлайды Polisia.kz.
Павлодар облысының аумағында “Қарасора-2023” жедел алдын алу іс-шарасын өткізу барысында 31 жастағы ер адам ұсталды, ол есірткі затын жасырын қаптамалар арқылы сатуға тырысты. Анықталғандай, күдікті ауылдық жерлерден келіп, есірткі заттарының қаптамашы курьері болып жұмысқа орналасқан.
– Оқиға орнында ұстау барысында ер адамның жанынан салмағы 23 грамнан асатын Альфа-пирролидиновалерофенон психотроптық заты және орауыш материалы бар 40 байлам табылып, тәркіленді. Ұсталған адам аталған есірткі затын Павлодар қаласының аумағында жасырын қоймаларды жабдықтау жолымен сатпақшы болған, – дейді Павлодар облысы ПД есірткі қылмысына қарсы іс-қимыл басқармасының бастығы Тимур Қаржаубаев.
Осы факт бойынша Қазақстан Республикасы ҚК-нің 297-бабы 3-бөлігі (Есірткі құралдарын, психотроптық заттарды, олардың аналогтарын өткізу мен жөнелту мақсатында заңсыз дайындау, қайта өңдеу, сатып алу, сақтау, тасымалдау) бойынша сотқа дейінгі тергеп-тексеру жүргізіледі.
Ұсталған адамға қатысты қамауға алу түріндегі бұлтартпау шарасы таңдалды.
Қазақстан Республикасы Конституциясының 77-бабы 3-тармағының 1-тармақшасына, Қазақстан Республикасы ҚПК-нің 19-бабы 1-бөлігіне сәйкес “адам өзінің кінәсі соттың заңды күшіне енген үкімімен танылғанға дейін қылмыс жасағаны үшін кінәсіз деп есептеледі”.
Осы қылмыс үшін жауапкершілік мүлкі тәркіленіп, он бес жылға дейінгі мерзімге бас бостандығынан айыру түрі көзделген.
