Маңғыстауда ҚАЖ қызметкерлері сотталғандарды диагностикадан өткізуде, – деп хабарлайды Polisia.kz
Маңғыстау облысы бойынша ҚАЖ департаментінің №77 мекемесінің қызметкерлері сотталғандар мен тергеудегілерге кешенді психодиагностика жүргізеді. Психолог-инспекторлар “Ақ сұңқар” әмбебап кешенінің көмегімен арнайы контингенттерді тексеруде, оның көмегімен уақытылы көмек көрсету үшін олардың психикалық жай-күйін анықтай алады.
Айта кету керек, ҚАЖ мекемелеріндегі психологиялық қызмет жаңадан келген сотталғандарды диагностикадан өткізіп қана қоймай, сотталғанның жеке басына психологиялық түзету жүргізеді.
– Құрылғы сынақ режимінде жұмыс істейді және өтірікті анықтай алады. Осылайша біз оларды есепке аламыз. Бұл аппараттар оларда қолданылатын әдістемелер санын ұлғайту, сондай-ақ компьютерлік бағдарламаның өзін жаңғырту есебінен тексеру көлемін ұлғайтуға және тексеру нәтижелерінің статистикалық шынайылығын жақсартуға мүмкіндік береді, – дейді инспектор-психолог Тоқжан Жиембаева.
“Ақ сұңқар” ӘПДК Тәуекел тобына жататын адамдарды психофизиологиялық кәсіби іріктеуге және динамикалық бақылауға арналған. Тексеру ерікті негізде жүргізіледі, тестілеу тоқсан сайын бекітілетін болады.
