Павлодар облысында тыныштықты бұзған көршілер жазаланды, – деп хабарлайды Polisia.kz.
Көппәтерлі үйде тұрып жатқан әрбір адам түнгі уақытта көршілердің тыныштықты бұзуымен бір рет болсын соқтығысады. Біреулер үшін осындай сәттер сирек, ал басқалар үшін түнгі шу үнемі болып тұрады.
Екібастұз қаласының полиция басқармасына өздерінің шулы көршілеріне арызданып бір түннің ішінде 11 қалалық өтінішпен жүгінген.
– Сонымен, мысалы полицейлер Шешембеков көшесі бойында тұратын 30 жастағы ер адамды сенбіден жексенбіге қараған түні сағат 23:00-ден кейін әннің дауысын қатты шығарып тыңдағаны үшін жауапқа тартты.
Учаскелік полиция инспекторы 5 АЕК мөлшерінде айыппұл салумен ҚР ӘҚБтК-нің 437-бабы 1-бөлігі (Тыныштықты бұзу) бойынша әкімшілік хаттама жасады.
Сонымен қатар сол жерде тұратын отбасылардың барлық мүшелерімен тыныштықты сақтау және көршілерге құрметпен қарау қажеттілігі туралы алдын алу әңгімесі жүргізілді,- деді Екібастұз қаласы ПБ ЖПҚБ бастығы Рустам Омаров.
2023 жылғы есеп беру кезеңінде Павлодар облысында тыныштықты бұзғаны үшін 800-ден аса адам жауапкершілікке тартылғанын атап өту керек.
