Павлодар облысында зейнеткер алаяққа алданып қалған, – деп хабарлайды Polisia.kz.
5 шілдеде аудан ауылдарының бірінде тұратын зейнеткер полицияға жүгінді. Зейнеткердің айтуынша, оған микрокредиттік ұйымнан қоңырау шалып, 175 мың теңге сомасында несие бойынша қарызды төлеуді талап ете бастағанда таң қалды.
Полицейлер ауыл тұрғынының атынан банктің қосымшасы арқылы онлайн несие рәсімделгенін, қосымшаны басқа телефонға алдын ала орнатылғанын, жәбірленуші деректер мен фотосуретті өзі бергенін анықтады. Себебі оның телефонында интернет-банкинг орнатуға келмейді деп ойлады. Алаяқтықтың құрбаны болғанын біліп, ол бұл фактіні дереу полицияға хабарлады.
Осы факті бойынша ҚР ҚК-нің 190-бабы (Алаяқтық) бойынша сотқа дейінгі тергеу басталды.
Жедел-іздестіру іс-шаралары барысында полиция күдіктіні анықтап, ұстады. Ол жәбірленушінің көршісі болып шықты. Қазіргі уақытта алаяқтар азаматтарды алдаудың әртүрлі схемаларын қолданады. Олар банк қызметкерлерінің, полицияның, медицина қызметкерлерінің, әлеуметтік қызметкерлердің атын жамылып қоңырау шалады. Азаматтардың сеніміне кіріп, ақшаны қауіпсіз шоттарға аударуға мәжбүр етеді. Оларды ұстау өте қиын, көбінесе алаяқтар жалған нөмірлермен жұмыс істейді.
– Ешбір жағдайда жеке деректерді, кодтарды басқа адамдарға бермеңіз. Банктің қолдау қызметіне қайта қоңырау шалыңыз немесе банктің ресми өкілдігіне хабарласыңыз. Алаяқтық әрекеттердің барлық жағдайлары туралы құқық қорғау органдарына “102” телефоны бойынша хабарлаңыз, – дейді полиция қызметкерлері.
