Ақпараттық медиа-портал POLISIA.KZ
Қазақстан полициясына 30 жыл

Павлодар полицейлері кальян шегудің 30 фактісін анықтады

Павлодар полицейлері кальян шегудің 30 фактісін анықтады, – деп хабарлайды Polisia.kz.

Павлодар қаласының полиция қызметкерлері қоғамдық орындарда кальян шегуге тыйым салуды бұзу фактілері бойынша рейдтік іс-шаралар өткізді. Рейд барысында демалыс және ойын-сауық орындары тексерілді.

– Осылайша, полиция қызметкерлері Усолка көшесіндегі ойын-сауық мекемесінде кальян тұтыну фактісін анықтады, онда кальяншы келушілерге ұсыну үшін кальян тартты. 22 жастағы павлодарлыққа қатысты ҚР ӘҚБК 441-бабы 3-бөлігі бойынша әкімшілік өндіріс қозғалды. Осыған ұқсас бұзушылық Едіге би көшесіндегі басқа қалалық мекемеде анықталды, онда да 30 жастағы жас жігіт келушілерге кальян ұсынды, ол да жауапкершілікке тартылды, – деп хабарлады Павлодар қаласы ПБ бастығының бірінші орынбасары Арман Қайыров.

Айта кету керек, биылғы жылы Павлодар қаласының демалыс және ойын-сауық мекемелерінде полицейлер кальян шегудің 30 фактісін анықтады.

Жыл басынан бері Павлодар өңірінде тәртіп сақшылары қоғамдық орындарда темекі шегуге тыйым салуды бұзудың 169 фактісін анықтады.

Сондай-ақ оқыңыздар

Жауап қалдыру