Павлодар полицейлері саяжай алқаптарының қауіпсіздігін қамтамасыз етуде, — деп хабарлайды Polisia.kz.
Қоғамдық тәртіпті сақтауды қамтамасыз ету үшін Павлодар қаласының патрульдік полиция батальонының қызметкерлері саяжай алқаптарын, сондай-ақ қараусыз қалған ғимараттарды тексеруде.
Атап айтқанда, мұндай рейдтер қысқы кезеңнің басталуына байланысты өткізіледі. Суық мезгілде иесіз қалатындықтан, зиянкестер мен белгілі бір тұрғылықты жері жоқ адамдар ұрлық жасайды, содан кейін тауарларды өз қажеттіліктері үшін сатады.
Мысалы, Павлодар қаласының патрульдік полиция батальонының командирі Айдар Сламбековтің айтуынша, бірнеше күн бұрын қаланың саяжай шаруашылықтарының бірінің аумағында полицейлер ер адамды ұстаған, оның сөмкесінде металл болған. Азаматтың өзі түсіндіргендей, ол саяжайдан металл жинаған. Ұсталған адам полиция бөліміне жеткізілді.
Сонымен қатар қаланы патрульдеу кезінде полицейлерге балабақшалардың бірінің жанында белгісіз адам металл ұрлап жатыр деген қоңырау келіп түсті. Тәртіп сақшылары дереу осы хабарламаны тексеруге бет алды. Мұнда олар металл профильдерді ұрлап қапқа салған екі адамды ұстады. Бұл азаматтар да істің мән-жайын анықтау үшін полицияға жеткізілді.
