Павлодарда жолда келе жатқан көліктің жүксалғышына мініп алған ер адам анықталды, – деп хабарлайды Polisia.kz.
Instagram әлеуметтік желісінде Павлодар қаласында жүріп келе жатқан ВАЗ автокөлігінің жүксалғышына мініп алған ер адамның бейнежазбасы жарияланды.
Аталған бейнежазба бойынша тексеру жүргізілді. Полицейлер анықтағандай, 30 қаңтарда Павлодар қаласында Иса Байзақов көшесінде ВАЗ автокөлігінің жүргізушісі жолаушыны көлік құралының кабинасынан тыс жерде тасымалдаған, сол арқылы Ереженің 22.6.1-тармағын бұзған. Автокөлік айыппұл тұрағына қойылды.
Жүргізушіге қатысты ӘҚБтК 593-бабының 1-бөлімі бойынша әкімшілік хаттама толтырылды. 5 АЕК айыппұл салынды.
