Полицейлер жолда төбелес бастаған ақмолалықтарды ұстады, – деп хабарлайды Polisia.kz.
Ағымдағы жылғы 24 шілдеде Көкшетау қаласы Полиция басқармасының кезекші бөліміне облыс орталығының 45 жастағы тұрғынынан өтініш келіп түсті. Өтініш беруші такси жүргізушісі болып шықты, ол оның жолаушысы Красныйяр тас жолындағы 4-саяжай аялдамасында бола тұрып, оған тиесілі Ваз-2114 маркалы автокөлігінің бүйір айнасын сындырып, жәбірленушіге дене жарақатын салғанын хабарлады.
Жедел-іздестіру іс-шаралары барысында қаскүнемнің жеке басы анықталды, ол облыс орталығының 35 жастағы тұрғыны болып шықты.
Қазіргі уақытта аталған факті бойынша ҚР ҚК 293-бабының 1-бөлігі (Бұзақылық) бойынша сотқа дейінгі іс жүргізу басталды. Іс жүргізу мәжбүрлеу шарасы келу міндеттемесі түрінде таңдалды.
Естеріңізге сала кетейік, ҚР ҚК 293-бабының 1-бөлігі санкциясы екі мың айлық есептік көрсеткішке дейінгі мөлшерде айыппұл салу не сол мөлшерде түзеу жұмыстары, не алты жүз сағатқа дейінгі мерзімге қоғамдық жұмыстарға тарту, не екі жылға дейінгі мерзімге бас бостандығын шектеу, не сол мерзімге бас бостандығынан айыру түріндегі жазаны көздейді.
