Қостанай облысында республикалық маңызы бар трассаларда патрульдеу күшейтілді. 18 шілдеден бастап үш жылжымалы “Ekin Patrol” автокешені жұмыс істейді, – деп хабарлайды Polisia.kz.
Өңірде полиция жол-көлік оқиғаларын азайту, жол қауіпсіздігін арттыру үшін бір айға созылатын жол қозғалысы қауіпсіздігі бойынша профилактикалық іс-шараны бастады.
Іс-шара аясында полиция қызметкерлері облыс жолдарында патрульдеуді, автокөлік құралдарын, оның ішінде жолаушылар көлігін тексеруді күшейтеді.
– ЖКО-ның негізгі себептері – бұл рұқсат етілген қозғалыс жылдамдығының артуы, маневр жасау ережелері бұзылады, қарама-қарсы қозғалыс жолағына шығу. Алты ай ішінде облыста 110 жол-көлік оқиғасы орын алып, 27 адам қаза тапты, 130 адам жарақат алды, – деп атап өтті Жергілікті полиция қызметі басқармасының бастығы Жеңіс Бисембаев.
Полиция облыс аумағында биылдан бастап “Ekin Patrol G2” жол қозғалысы ережелерін бұзушылықтарды панорамалық бейнетіркеудің алты мамандандырылған мобильді аппараттық-бағдарламалық кешені жұмыс істейтінін атап өтті. Жабдық патрульдік полицияның автокөліктеріне орнатылды.ЖАШ кезеңінде трассаларда болады мұндай үш кешен. Автокешендер жылдамдық режимінің бұзылуын тіркейді және автоматты түрде Қостанай облысы ПД әкімшілік практика бөлімінің бұзушылықтарды өңдеу орталығына береді.
Бұдан басқа, мобильдік патрульдер көлік ағынындағы мемлекеттік нөмірлік белгілерді таниды, оларды деректер базасы бойынша бұрын жасалған құқық бұзушылықтар үшін әкімшілік айыппұлдар бойынша борышкерлер тізімінде іздеу немесе болу тұрғысынан тексереді. “Ekin Patrol” жұмысы барысында тоғыз мыңнан астам бұзушылық тіркелді.
