Қызылордада пробация есебіндегі 13 сотталған шартты түрде мерзімінен бұрын босатылды, – деп хабарлайды Polisia.kz.
Қызылорда облысы бойынша ҚАЖ департаментінің Жалағаш аудандық пробация қызметінің есебіндегі қоғамнан оқшаулаумен байланысыты емес жазаларға сотталағандардың қайталап қылмыс жасауының алдын алу мақсатында Жалағаш ауданы прокурорының орынбасары Е. Алмаханов, аудан прокурорының көмекшісі Қ.Назар және аудандық пробация қызметінің қызметкерлерімен бірлесіп, кент орталығындағы №2 полиция бекетінде профилактикалық жиын өткізді.
Пробация қызметінің есебіндегі сотталғандардың қоғамда әкімшілік және қылмыстық құқық бұзушылықтар жасамауы және қоғамдық талаптарды құрметтеу жөнінде түсіндірілді.
Жалағаш аудандық пробация қызметінің аға инспекторы Еркебұлан Асқаровтың айтуынша, пробация қызметінің есебінен жыл басынан 75 сотталған өтсе, оның ішінде 13 адам тәртіп ережелерді бұлжытпай орындағаны үшін сот қаулысымен шартты түрде мерзімінен бұрын босатылған. Керісінше, жаза тәртібін бұзып, тәртіпке көнбеген шартты жазаға сотталған үш азаматтың мерзімдері сот қаулысымен 3 айға ұзартылса, бір азаматтың жазасы бас бостандығынан айыру жазасына ауыстырылып, түзеу мекемесіне жолданды.
– Сонымен қатар, жазадан жалтарып, іздеуде болған Р. есімді азамат жедел бағыттағы жұмыстар нәтижесімен пробация қызметкерлерінің күшімен ұсталып, жазасы ұзартылды, – деді Еркебұлан Асқаров.
