Қызылордада жеңгетайлықтың 3 фактісі анықталды, – деп хабарлайды Polisia.kz.
22 қараша мен 1 желтоқсан аралығында Қызылорда қалалық Полиция басқармасының полицейлері “STOP-трафик” жедел алдын алу шарасын жүргізуде. Операцияның басты мақсаты адам саудасына байланысты қылмыстарды ашуға және ескертуге бағытталған.
“STOP-трафик” шарасы барысында басқарманың жедел уәкілдері жеңгетайлық “кәсіптің” жолын кесті. Олар қала орталығында орналасқан 3 демалыс орындарында іс-шара өткізді. Полицияға қоғамдық орынның клиенттеріне жезөкшелік қызмет ұсынылады деп хабар түскен. Тексеру шарасы барысында ақпарат расталды.
Қазіргі таңда сотқа дейінгі тергеп-тексеру амалдары жүргізілуде. Тергеу оқиғаның толық мән-жайларын анықтауда. Ал жезөкшелікпен айналысқан бикештер тіркеуге алынды.
