Сәтбаевта заңсыз жұмыс істеген 5 шетелдік анықталды, – деп хабарлайды Polisia.kz.
Ұлытау облысы аумағында “Учаске” жедел алдын алу іс-шарасы өтіп жатыр. Негізгі мақсаты – қоғамдық тәртіпті қамтамасыз ету, әкімшілік құқық бұзушылықтарды анықтау және қылмыстың жолын кесу, полиция мәртебесін көтеру мен халықпен тығыз қарым-қатынас орнату.
Сәтбаев қаласында өткізіліп жатқан іс-шара барысында учаскелік полиция инспекторлары өздерінің бекітілген әкімшілік аймағындағы тұрғындармен танысу, тұрғындардың арасында болған әртүрлі құқық бұзушылықтарды анықтау үшін тұрғын үйлер мен көпқабатты үйлер тексерілуде. Тексеру барысында тұрғылықты мекен-жайлары жоқ адамдар, адамдарды заңсыз жұмысқа пайдалану, шетелдік азаматтардың көшіп-қону заңнамасын бұзу фактілері жіті қаралады.
24 қыркүйекте “Учаске” жедел алдын алу шарасы кезінде Сәтбаев қаласының ПБ жергілікті полиция қызметі бөлімінің қызметкерлері және облыстық ПД Көші-қон полиция басқармасының бірлесе іс-қимыл әрекеті кезінде рұқсатсыз жұмыс істеген 5 шетел азаматы анықталды.
Өзбекстан Республикасының 5 азаматына заңсыз жұмыс істегені үшін, ҚР Әкімшілік кодексінің 517-бабының 5-бөлігі бойынша әкімшілік хаттамма толтырылып, қалалық мамандандырылған әкімшілік сотқа жолданды. Сонымен қатар, ҚР азаматына заңсыз шетел азаматтарын еңбекке тартқандығы үшін әкімшілік жауапкершілікке тартылды.
