Семейде танысының көлігін ұрламақ болған азамат ұсталды, – деп хабарлайды Polisia.kz.
Мамыр айының басында Семей қаласы ПБ “102” жедел арнасына 57 жастағы қала тұрғыны жүгініп, 5 мамыр күні сағат 13:00 шамасында үйінде жүрген танысы Volkswagen автокөлігін ұрлап кеткенін хабарлады. Келтірілген залал сомасы 1,5 млн теңгені құрады.
Жедел түрде “ұстап алу” жоспары енгізіліп, нәтижесінде “Сергек” АБК камерасының көмегімен ұсталған адам ПБ-ға жеткізілді. Тану туралы куәлік бере отырып, көлік тәркіленіп, мамандандырылған автотұраққа орналастырылды.
Аталған дерекке қатысты ҚР ҚК-нің 200-бабы 1-бөлігі (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) бойынша сотқа дейінгі тергеу амалдары басталды.
