ШҚО бойынша ҚАЖД-ға қарасты №17 мекемесінің қызметкерлері кешкі мектеп оқытушыларымен бірлесіп Наурыз мерекесі қарсаңында іс-шаралар ұйымдастырды, – деп хабарлайды Polisia.kz.
Сотталғандарға арналған түзеу мекемесінің аумағында колледж және кешкі мектептерде оқитын сотталғандар үшін арнайы бауырсақтар мен шелпектер пісіріліп, наурыз көже ұсынылды.
Сотталғандар үшін пісірілген тәтті тағамнан басқа, қазақтың ұлттық ойындары мен түрлі жарыстар ұйымдастырылды.
Гір тасын көтеру, арқан тарту және үстел теннисі бойынша үздік спортшылар анықталды.
Өмірлік қиындықтарға қарамастан, сотталғандар өздерінің ынта-жігері мен оптимизмін сақтай алды. Көрісу күні сияқты маңызды күндерді мерекелеу еліміздің мәдениеті мен ұлттық құндылықтарын қолдауға ғана емес, сонымен қатар жыл сайын әрқайсымызды бір-бірімізбен байланыстыратын құндылықтарды еске салады.
– Біз бәріміз әртүрліміз, бірақ жынысымызға, жасымызға, әлеуметтік жағдайымызға қарамастан, бәріміз қазақстандықпыз. Көрісу күні-тамаша мереке және бір-біріне жылы сөздер айтуға және аға буынға құрмет көрсетуге жақсы себеп, – деп атап өтті ШҚО бойынша ҚАЖД-ға қарасты №17 мекемесі бастығының орынбасары Арман Катанов.
Айта кету керек, облыс мекемелерінде мұндай іс-шаралар жиі өткізіледі, бұл сотталғандардың эмоционалдық жағдайына оң әсер ететіні сөзсіз.
