Шымкенттік тәртіп сақшылары карантин талаптарын бұзған дәмхананы анықтады, – деп хабарлайды Polisia.kz.
Шымкент қаласының ПД Еңбекші ауданы Полиция басқармасы жергілікті полиция қызметі бөлімінің учаскелік инспекторлары карантин режимінің сақталуын бақылау бойынша рейдтік іс-шаралар өткізуді жалғастырып жатыр.
2021 жылдың 5 ақпанында учаскелік полиция инспекторлары әкімшілік аумақты аралау кезінде “У нас” дәмханасының карантин талаптарын бұза отырып, жұмыс істеп жатқанын анықтаған.
Аталған факт бойынша жинақталған құжаттар ҚР ӘҚБтК-нің 425-бабының 1-бөлігімен (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) шара қабылдау үшін Еңбекші ауданының Тауарлар мен көрсетілетін қызметтердің сапасы мен қауіпсіздігін бақылау басқармасына жолданды.
Тәртіп сақшылары карантин талаптарын бұзу әкімшілік жауапкершілікке әкеп соғатынын ескертеді.
