100 жылдық әулет және өзге де қызықты деректер. СҚО-да полиция ардагерлері өз бөлімшесінің тарихы туралы альманах дайындады, – деп хабарлайды Polisia.kz.
Соколов кенттік полиция бөлімшесінің цехтық ардагерлер ұйымы – Солтүстік Қазақстан полициясының ең белсенділерінің бірі. Зейнеткерлер белсенді қоғамдық өмір сүреді, құқықтық тәртіп қызметінің имиджін арттыруға қатысады.
Қазақстан полициясы күні қарсаңында Соколов ауылдық кітапханасының қызметкерлерімен бірлесе отырып, олар “Заң күзетінде” бай суреттелген тарихи танымдық альманах дайындады. 60 бетте қарапайым тілде бөлімнің ғасырлық тарихы көрсетілген.
– Жүз жыл бұрын Соколов ауылындағы құқықтық тәртіпті 8 полиция қызметкері қамтамасыз еткен. Содан кейін Соколов ауданы құрылды. Аудандық ішкі істер бөлімінің көптеген қызметкері Ұлы Отан майданында соғысып, соғыстан кейінгі қылмыспен күресті, – дейді Соколов кенттік полиция бөлімінің ардагерлер кеңесінің төрағасы Александр Дроздецкий.
Альманахта еңбек жолында көзге түскен қызметкерлерге, олардың тағдырлары мен ерліктеріне, сондай-ақ биылғы жылдың ең ұзақ 100 жылдығына арналған полиция әулеттері жайлы ақпараттар бар.
Коду Магомедов 1923 жылы алыс Шешенстанда ІІО-да қызмет жолын бастаған. 30-жылдары ол қарақшылармен шайқаста қаза тапты. Оның отбасы Қазақстанға жер аударылды. Балалар, немерелер мен шөберелер батыл ата-бабаның жолын қуған. Бүгінде Магомедовтар полиция әулеті төрт ұрпақтан тұрады. Тілге тиек етер жайт, 2014 жылы олардың ошағы “Мерейлі отбасы” республикалық байқауында бірінші орынды иеленді.
Александр Дроздецкийдің айтуынша, өмір қаншалықты өзгерсе де, парызға адалдық, халық пен мемлекетке жанқиярлықпен қызмет ету полицияның негізгі басымдықтары болып қала береді.
– Бұл туралы біздің жас қызметкерлерге ғана емес, ортақ Отанымыз — Қазақстан Республикасының қызықты тарихына қызығушылық танытқандардың барлығына пайдалы болады деп үміттенеміз, – деді ол.
