СҚО криминалистері 30 жылда орын алған резонанстық қылмыстар туралы айтып берді, – деп хабарлайды Polisia.kz.
Солтүстік Қазақстан облысының полицейлері криминалистикалық зерттеулер арқылы ашылған резонанстық қылмыстар туралы айтып берді. Қызмет ардагерлері Жедел-криминалистикалық басқармасының жас қызметкерлерімен кездесіп, 90-шы жылдары қалай жұмыс істегендері жайлы айтып берді, жұмыс барысындағы естеліктерімен бөлісті. Аға буынмен кездесу қазақстандық полицияның 30 жылдығы аясында облыстық полиция ведомствосында өтті. Басты қонақтар – 30 жылдан астам криминалист болып, бөліністі басқарған отставкадағы полиция полковнигі Ақан Сыздықов және қалалық бөлімді басқарған отставкадағы полиция майоры Александр Лобода.
Аға буынмен кездесуге жас мамандар келді. Іс-шараға бейнеселектор режимінде аудандық бөліністердің қызметкерлері қатысты. Сондай-ақ, кездесу СҚО Полиция департаментінің Facebook-тегі ведомстволық парақшасында тікелей эфирде көрсетілді.
– 2003 жылға дейін таспалық фотоаппаратты қолдандық. Таспаны қағазға түсіретінбіз. Қазір барлығы цифрлық форматта, бұл жұмысты жылдам атқаруға мүмкіндік береді. Қызмет атқарған жылдары көптеген өзгерістер болды. 2010 жылы одорологиялық зертхананы енгіздік, – деді Ақан Сыздықов.
Кездесудің қатысушылары 2007 жылы Уәлиханов ауданында орын алған резонанстық қылмысты қалай ашқандары туралы айтып берді, криминалистердің егжей-тегжейлі зерттеулері мен кәсібиліктері арқасында бес солтүстікқазақстандықтың, оның ішінде бес жасар қыздың өлімі ашылды. Қылмыскерлер дәлелдерді жою үшін көлікті өртеп жібергенімен, сарапшы-криминалистер қанды қол қылмыскерлерді анықтауға мүмкіндік берген басты айғақты анықтаған.
2000 жылдардың басында СҚО Полиция департаменті Жедел-криминалистикалық басқармасында криминалистикалық полигон ашылды, қазіргі уақытта ол тиімді оқу алаңының қызметін атқаруда. Зейнетке шыққан Александр Лобода 18 жыл бойы университетте білім беруде. Ол теориялық материалды бекітуде аталған полигонның студенттер үшін таптырмас құрал екенін атап өтті. Жас сарапшылар өздерінің тәжірибесімен бөлісті, тәжірибе заманауи құрал-жабдықтар, технологиялық жаңашылдықтардың көмегімен келеді.
