СҚО ПД басшылығы жасөспірімдермен профилактикалық жұмыс жүргізіп жатыр, – деп хабарлайды Polisia.kz.
Балалардың қауіпсіздігі полиция жұмысының басымдықтарының бірі. Жаңа оқу жылында кәмелетке толмағандар ісі жөніндегі инспекторлардан бөлек, Солтүстік Қазақстан полициясының басшылығы да мектептер мен колледждердің оқушыларымен кездесуде. Жақында Петропавлдағы №43 мектеп оқушыларымен Солтүстік Қазақстан облысы полиция департаменті жергілікті полиция қызметі басқармасының бастығы Айдын Байматов кездесті.
Әңгіме ел болашағына заманауи қатер тигізетін оқу орындарында буллинг және ақша қорқытып алу, жасөспірімдерді есірткі саудасына тарту өткір тақырыптарына арналды. Байматовтың айтуынша, биылғы жылы қорқытып алу фактілері бойынша кәмелетке толмаған күдіктілерге қатысты 3 қылмыстық іс қозғалған.
– Оларға қатысты қылмыстық жаза шарасын сот тағайындайды. Қазақстан Республикасы Қылмыстық кодексінің 194-бабының (Қорқытып алу) санкциясы 13 миллион теңге айыппұлдан 15 жылға дейін бас бостандығынан айыру жазасын көздейді. Дәл осындай мерзімге есірткі сатуға қатысы бар тұлғалар да тартылатын болады. Айта кетейік, биыл есірткі сатқаны үшін екі кәмелетке толмаған ұсталды. Жеңіл ақша болмайды, заңды бұзған жастар өз тағдырларына балта шауып, болашақтарын бұзады, – дейді Айдын Байматов.
Мұндай кездесулер өскелең ұрпақтың құқықтық сауаттылығын арттыруға бағытталған. Айдын Байматов жастар арасында танымал электр скутерлерді пайдалану ережелері, көшеде және интернетте қауіпсіз жүріс-тұрыс негіздері сияқты басқа да маңызды тақырыптарды қозғады. Қорқытып алулардың, алаяқтардың құрбаны болмау және өзіңізді қылмыстық схемаларға тартуға жол бермеу үшін, сіз өзіңіз туралы қандай да ақпаратты әлеуметтік желілерде жалпыға қол жетімді ететіндігіңіз туралы ойлануыңыз керек. Бейтаныс пайдаланушылардың “достығын” ойланбастан қабылдауға болмайды. Олардың есептік жазбаларын мұқият қарап шығыңыз — олар сіздің жеке деректеріңізді алдап алу үшін әдейі жасалған болуы мүмкін.
– Көшедегі қауіпсіз мінез-құлық туралы кеңестер өзекті болып қала береді: таныс емес адамдардың көліктеріне отырмаңыз, егер олар сізді күштеп отырғызса, айқайлап көмекке шақырыңыз. Полиция қызметкерлері телефоныңызға дабыл түймесін басу арқылы полицияға қоңырау шалуға мүмкіндік беретін “102” мобильді қосымшасын жүктеуді ұсынамыз – дейді полицейлер.
Полиция басшылығының оқушылармен кездесуі тұрақты негізде жүргізілетін болады.
