Жамбыл облысында балалардың қатысуымен 10 жол-көлік оқиғасы тіркелді, – деп хабарлайды Polisia.kz.
14 ақпаннан бастап Жамбыл облысының аумағында 10 күндік “Жолдардағы балалардың қауіпсіздігі” республикалық алдын алу іс-шарасы басталды.
Ювеналды полиция қызметкерлері мектеп оқушыларына Жол қозғалысы ережелері бойынша бірқатар сабақтар өткізді. Балалар ойын түрінде тәртіп сақшыларынан ақпарат алды, сондай-ақ қызықтыратын сұрақтар қойды.
Аталған іс-шараны патрульдік, ювеналды полиция қызметкерлері, сондай-ақ жергілікті полиция қызметінің инспекторлары тұрақты түрде жүргізеді.
ПД Жергілікті полиция қызметі басқармасының ақпараты бойынша жыл басынан бері Жамбыл облысында 10 жол-көлік оқиғасы балалардың қатысуымен орын алған, салдарынан 19 кәмелетке толмаған жасөспірім зардап шеккен.
