Ақпараттық медиа-портал POLISIA.KZ

“Жасөспірім”: Алматы облысында бір тәулікте 250 әкімшілік құқық бұзушылық анықталды

Алматы облысында бір тәулікте 250 әкімшілік құқық бұзушылық анықталды, – деп хабарлайды Polisia.kz.

Алматы облысының полицейлері ақпан айының 22-26 күндері облыс аумағында “Жасөспірім” жедел алдын алу іс-шарасын жүргізуде. Арнайы шараның басты мақсаты – жасөспірімдер арасындағы құқық бұзушылық пен қылмыстардың алдын алу, олардың құқығын қорғау.

– Аталған шараның алғашқы күні 250 әкімшілік құқық бұзушылық анықтадық. Түсіндіру жұмыстарын жүргізіп, тиісті әкімшілік хаттама толтыру үшін 225 жасөспірім ішкі істер органдарына жеткізілді. Оның ішінде кәмілеттік жасқа толмаған баланың түнгі мезгілде үйінен тыс жерде жеке жүруі, олардың ойын-сауық орындарына баруы, оларға темекі және ішімдік өнімдерін сату және т.б. деректері бар. Бала тәрбиесіне атүсті қараған 23 адамған хаттама толтырылып, айыппұл салынды. Алты жасөспірім уақытша бейімдеу орталығына жеткізілді, – деді облыстық ПД ЖПҚБ аға инспекторы Медет Құнанбаев.

Тәртіп сақшылары 29 іс материалдарын балалар құқығын қорғайтын арнайы комиссияның қарауына ұсынған. 38 жасөспірім мен 27 қолайсыз отбасы арнайы есепке қойылып, бақылауға алынды.
Полиция өкілінің ақпараты бойынша, алғашқы күні құқық қорғаушылар 315 көңіл көтеру орнын тексерген. Олардың қатарында мейрамханалар мен кафелер, компьютерлік клубтар, сауда орындары және жертөледе орналасқан түрлі ойын-сауық мекемелері бар.

Сондай-ақ оқыңыздар

Жауап қалдыру