Жетісу полицейлеріне дағдарыс жағдайында жанжалдарды басқару бойынша тренинг өткізілді, – деп хабарлайды Polisia.kz.
Департамент басшылығы ведомство қызметкерлеріне дағдарыстық жағдайларда жанжалдарды басқару бойынша тренинг өткізілуіне бастамашылық етті.
– Қызметкерлеріміздің психологиялық дайындығының деңгейін арттыру мақсатында халықаралық сертификатталған жаттықтырушы Дамеш Шаханова шеберлік сағатын өткізу үшін шақырылды, ол дағдарыс жағдайындағы психологиялық сипаттамалар туралы, сондай-ақ полицияның көпшілік арасында жұмыс істеуі туралы баяндады, – деп атап өтті облыстық департамент бастығының орынбасары Мадияр Омаров.
Кәсіби қарым-қатынастың тиімділігін арттыру, полиция қызметкерлері мен азаматтар арасындағы сындарлы өзара іс-қимыл, әрекет ету дағдыларын қалыптастыру және жетілдіру, сондай-ақ коммуникативті дағдыларды дамыту полицияның сервистік моделіне көшудің құрамдас бөлігі.
– Полиция қоғамдық қауіпсіздікті қамтамасыз етуде және тәртіпті сақтауда маңызды рөл атқарады. Дағдарыс жағдайларының психологиялық ерекшеліктеріне полицейлер арасындағы күйзеліс, агрессия және шиеленіс деңгейінің жоғарылауы кіруі мүмкін. Тәртіп сақшылары жоғары ауыртпалық жағдайында жұмыс істеуге, тез шешім қабылдауға және эмоционалды адамдармен араласуға әрқашан дайын болуы керек. Тиімді ұжымдық жұмысқа да назар аудару маңызды, себебі мұндай жағдайларда полиция қызметкерлері үйлесімді әрекет етуі қажет, – деп қосты М. Омаров.
Мұндай сабақтар облыстық департаментте тұрақты негізде өткізіліп тұрады, себебі қызметкерлердің өз міндеттерін сапалы атқаруы үшін эмоцияларды басқару және сыни жағдайларда оңтайлы шешім қабылдай білу маңызды.
