Жетісу облысы ПД есірткіге қарсы күрес басқармасы болашақ дәрігерлер мен олардың ата-аналары үшін семинар ұйымдастырды, – деп хабарлайды Polisia.kz.
Нашақорлыққа және есірткі бизнесіне қарсы күрестің 2023-2025 жылдарға арналған кешенді жоспарын іске асыру аясында облыстық есірткі қылмысына қарсы іс-қимыл басқармасының қызметкерлері болашақ дәрігерлер мен олардың ата-аналарына арналған семинарға бастамашы болды.
Кездесу Талдықорған медициналық колледжінде өтті, онда студенттер мен олардың ата-аналарына есірткіні қолданудың салдары және олардың таралуы үшін жауапкершілік туралы айтылды.
Облыстық полиция департаментінің есірткі қылмысына қарсы іс-қимыл басқармасының жедел уәкілі Меруерт Искакова әкімшілік және қылмыстық құқық бұзушылықтар жасағаны үшін жауапкершілік, есірткі құралдарын, оның ішінде ақпараттық және электрондық ресурстарды пайдалана отырып өткізгені үшін жауапкершіліктің қатаңдатылғаны туралы ақпаратты жеткізді.
Психикалық денсаулық орталығының нарколог-дәрігері Мақсат Ергабылов бұл дертпен күнделікті өмірде кездесіп отырғаннан кейін, нашақорлық проблемасы туралы өз білімімен бөлісіп, есірткінің зияны, физикалық жай-күйге және өмірдің әлеуметтік саласына тигізетін теріс салдары туралы айтып берді.
– Бүгін біз студенттерге нашақорлық мәселесіне тікелей тап болған нақты оқиғасы бар кейіпкерлерді көрсеттік. Біздің облыста мұндай тәжірибе бұрыннан бар өмірлік мысалдар жақсы қабылданғандықтан, өзінің оң әсерін көрсетіп келеді, – деп атап өтті М. Искакова.
Әңгіме қызу талқыда өтті, сондай-ақ насыбай, снюс, өсімдік тектес есірткілерді қолдану тақырыптары да қозғалды, адамды қолдануға итермелейтін себептер, анықталғаннан немесе ұсталғаннан кейінгі қауіп төндіретін салдарлар және т. б. талқыланды.
Дәстүр бойынша әңгіме соңында полиция қызметкерлері студенттерге және олардың ата-аналарына ақпараттық кітапшалар таратып, барлық тыңдаушыларға денсаулық, байсалдылық пен рух тазалығын тіледі. Өз кезегінде студенттер спикерлерге материалды қызықты әрі қолжетімді ұсынғаны үшін алғыстарын білдірді.
