Жыл басынан Петропавл полицейлері тыныштықты бұзу фактілері бойынша 1000-ға жуық шақыртуға шықты, – деп хабарлайды Polisia.kz.
Петропавл полицейлері таңертең Қазақстан Конституциясы көшесінде орын алған тыныштықты бұзу фактісі бойынша тексеріс жүргізуде. Бұзушылықтың жазбасын әлеуметтік желілерде шудан оянған қала тұрғыны жариялаған. Жақын маңдағы үйлердің тұрғындары олардың демалуына кедергі келтірген гитарамен бар дауысына ән салған адамның әрекетіне наразы. Тәртіп сақшылары адамдардың түнде демалу құқығы заңмен қорғалғаны туралы еске салады.
ҚР Әкімшілік құқық бұзушылық туралы кодексінің 437-бабына сәйкес жеке тұлғалардың қалыпты демалысы мен тыныштығына кедергі келтіретін, жұмыс күндері сағат 22-ден таңғы 9-ға дейін тыныштықты бұзуы, сағат 22-ден таңғы 9-ға дейін, демалыс және мереке күндері сағат 23-тен таңғы 10-ға дейін тыныштықты бұзуы 5 айлық есептік көрсеткіш көлемінде айыпұл салуға әкеліп соғады.
– Сондай-ақ, қала тұрғындарын заңдылықтың бұзушылықтарын фото және бейнеге түсіріп қана қоймай, “102” арнасына жүгінуге шақырамыз. Полицияға қоңырау шалып қана қоймай, сондай-ақ мәтіндік хабарламаларды, фото, бейне және бейнефайлдарды жіберуге мүмкіндік беретін “102” мобильдік қосымшасын пайдалануға кеңес береміз. Бұл фактіні бірден тіркеуді және шараларды уақтылы хабарлауды қамтамасыз етеді, – деді Петропавл қаласы Полиция басқармасы Жергілікті полиция қызметі бөлімінің бастығы Рустам Садулов.
Тыныштықты бұзу мәселесі өзектілігін жоғалтқан жоқ. Өткен демалыс күндері облыс орталығының полицейлері түнде шулау фактілері бойынша 5 рет шақыртуға шыққан. Негізгі себеп – мас көршілердің жанжалы. Жыл басынан Петропавл қаласы учаскелік полиция инспекторлары осындай 990 шақыртуға шықты.
