Қостанайлық полицей қыз ел чемпионатының жеңімпазы атанды, – деп хабарлайды Polisia.kz
Қостанайлық полицей Сая Әуелбекова Қазақстан чемпионатында жекпе-жектен жеңімпаз атанды. Республикалық жарыс Алматыда 4-6 қараша аралығында өтті.
Бұл спорттық жарысқа еліміздің 12 өңірінен 500-ге жуық спортшы қатысты.
Сая Әуелбекова Астана, Алматы және Қарағанды полициясынан келген қарсыластарын айқын басымдықпен жеңді.
– Нағыз жекпе- жек – толық байланыстағы жекпе-жектерде танымал болып келе жатқан жауынгерлік жекпе-жектің заманауи және қарқынды дамып келе жатқан түрі, – деп атап өтті полицей Сая.
Спортшы биыл бірнеше рет түрлі халықаралық және республикалық жарыстарда жүлделі орындарға ие болды. Естеріңізге сала кетейік, ол жақында панкратион бойынша республикалық чемпионаттың жеңімпазы атанған болатын.
