Ер адам Астанада мас күйдегі мейрамханаға келушінің ақшасын ұрлап кеткен, – деп хабарлайды Polisia.kz.
Полицияға елорда тұрғыны жүгініп, мейрамханада танысқан ер адам оның ақшасын ұрлап кеткені туралы хабарлаған. Қала тұрғынының айтуынша, кафеде ол жалақы алғаннан кейін әріптестерімен бірге уақыт өткізген. Сол жерде ол келушілердің бірімен танысып, әріптестері тарап кеткеннен кейін бірге отырысты жалғастырған. Ер адамның мас болғанын пайдаланып, жаңа танысы оның күртешесінің қалтасынан 120 мың теңгені ұрлап, өзі жасырынған.
Жедел-іздестіру іс-шаралары барысында полицейлер ұрлыққа қатысы бар 37 жастағы ер адамды анықтады, ол мойындау көрсетпелерін берді. Қазіргі уақытта сотқа дейінгі тергеп-тексеру жүргізіліп жатыр. Оның елорда аумағында бұрын жасалған осыған ұқсас қылмыстарға қатысы бар-жоғы тексеріліп жатыр.
