Атырау қаласы полиция басқармасының патрульдік полиция қызметкерлері жедел жәрдем, жолаушылар тасымалы және Төтенше жағдайлар департаментінің мамандарымен бірлесіп, жол қауіпсіздігін насихаттауға бағытталған профилактикалық автошеру өткізді, - деп хабарлайды Polisia.kz.
Іс-шара барысында жол-көлік оқиғасына ұшыраған автокөлік эвакуаторға тиеліп, қала көшелерімен жүргізілді. Бұл акция жол қозғалысына қатысушылардың назарын қауіпсіздік мәселесіне аударып, жол-көлік оқиғаларының ауыр зардаптарын көрнекі түрде көрсетуге бағытталды.
Айта кетейік, жыл басынан бері Атырау қаласының аумағында 750-ге жуық жол-көлік оқиғасы тіркеліп, мыңнан астам адам түрлі дене жарақатын алған.
Осыған байланысты полиция жүргізушілерді жол қозғалысы ережелерін қатаң сақтауға, жылдамдық режимін бұзбауға және жолдағы қауіпсіздікке жауапкершілікпен қарауға шақырады.
