Қызылордада көлікте есірткі заты тәркіленді,-деп хабарлайды Polisia.kz.
Қызылорда қаласындағы ЗК-169/5 мекемесінің аумағында тұрған автокөлік мекеме қызметкерлерінің күдігін туғызды. Қызылорда қалалық полиция басқармасының есірткіге қарсы күрес бөлімінің қызметкерлері мен жедел тобын шақырта отырып, көлікті тінту барысында артқы орындығынан 20 граммдық 4 дана шприцке нығыздалып салынған жасыл түсті шөп тектес зат табылды. Сот-химиялық сараптамасының қорытындысына сәйкес тәркіленген заттың «кептірілген марихуана» екені анықталды.
Аталған факті бойынша Қылмыстық кодекстің 296-бабы 2-бөлігімен сотқа дейінгі тергеп-тексеру амалдары жүргізіліп жатыр.
